المكروه من الجميع
بروفيسور "سيفروس سناب" شخصيه خياليه من روايه الفانتازيا المشهوره اللى اتباع منها اكثر من 400 مليون نسخه من ساعة صدورها سنة 1998 لغاية دلوقتى "Harry Potter" للكاتبه "J.K.Rowling" اتحولت بعد كده لفيلم بنفس الاسم من انتاج "Warner Bros" سنة 2001 واستمرت سلسله الافلام لغايه لما صدر الجزء ال8 والاخير سنه 2011.
نرجع بقى لبروفيسور "سناب" اللى ادى دورها فى الفيلم "Alan Rickman" ، البروفيسور بيعتبر ثانى اكثر شخصيه معقدة اتقدمت فى السينما بعد شخصية "الجوكر" هو اللى مكروه على مدار معظم اجزاء من الفيلم ، طفل صغير الكل بيكرهه لكنه كان بيعتقد انه مختلف ودايما فاكر انه الافضل بين كل الاولاد ، لغاية لما تظهر "ليلى" والدة "هارى" ، هى الوحيده اللى حبته لكن "جيمس بوتر" المتعجرف فى نظر "سناب" هو اللى اتجوزها ، عدت الايام و"سناب" بقى مدرس فى مدرسة "هوجورتس" وجه "هارى بوتر" علشان يدرس فى المدرسة بعد ما قتل والداه على يد "فولدمورت" وهو رضيع لكنه نجى ودمر "فولدمورت" واصبح حديث الكل فى عالم السحر.
بيفضل الكل فاكر ان "سناب" شرير رغم انه بيحاول يحمى "هارى" لكن فى الظل وعمره مابين حمايته ليه لغاية لما بتيجى لحظه موت "دمبلدور" ، "دراكو مالفوى" كان موكل انه يقتله لكنه مقدرش ، "هارى" كان مستخبى وكان عاوز يتدخل لكن "سناب" منعه وقتل "دمبلدور" بدل "مالفوى" لانه مكنش يقدر ميقتلوش.
ولاء "سناب" كان مثير للجدل على مدار اجزاء الفيلم والروايه ، كان منضم لجماعة "العنقاء" اللى اسسها "دمبلدور" وكمان كان معلن ولائه لجماعه "اكلة الموت" اللى قائدها "فولدمورت" ، وكان بيتجسس على على "دمبلدور" لصالح "فولدمورت" ، وثقة "دمبلدور" العاليه فيه للنهايه وقتله لـ"دمبلدور" وموته على ايد ثعبان "فولدمورت".
"سناب" كان غريب ، صارم ، ساخر وتعيس وكان بيبين كرهه لـ"هارى" بسبب المنافسه الشديده اللى كانت بينه وبين والده "جيمس بوتر" لكنه كان بيحميه بسبب امتلاكه لعيون والدته "ليلى" ونقل لـ"هارى" فى النهايه ذكرياته اللى تبين له ولاءه ليه ولوالدته ولـ"دمبلدور".
قتل "سناب" لـ"دمبلدور" بسبب ان "دمبلدور" لقى خاتم "توم ريدل" وكان فى الاصل "هوكوركس" وكان جواه حجر البعث ، وكان "فولدمورت" حاطط تعويذه لعنه على الخاتم ، اتصابت ايد "دمبلدور" وعطل "سناب" التعويذه لمدة قصيره ، علشان كده "سناب" قتله لسبب ده وعلشان يكسب ثقه "فولدمورت".
بروفيسور "سناب"
سناب : لقد قمت بحمايته كل هذه السنوات لكى تقتله فى اللحظه المناسبه ، ربيته فى حظيره كالخنزير المنتظر للذبح !
دمبلدور : لا تخبرنى انك تهتم بأمر الفتى الان.
يقوم سناب بعمل تعويذه لكى يرسل لـ"هارى" الغزال ..
دمبلدور : ليلى ؟ بعد كل هذا الوقت ؟
سناب : دائما ❤
فى المشهد الاخير من السلسه "هارى" بيظهر ان "هارى" خلف ولد وسماه "الباس سيفروس" اللى بيتكون من بدايه اسم "دمبلدور" ونهايه اسم "سناب" ، وفى سنة "الباس سيفروس" الاولى فى "هوجورتس" هارى قاله انه مش لازم يخاف انه يكون فى بيت "سيلذرين" لانه كان بيت "سناب" ولانه اشجع شخص "هارى" قابله فى حياته.
مشهد ختام السلسله
يذكر ان ممثل الشخصيه "Alan Rickman" اتوفى سنة 2016 وكان عمره 69 سنه بعد صراع كبير مع مرض السرطان.
اتمنى يكون المقال عجبكم ❤
جيد جدا
ردحذفربنا يوفقك وتصبح روائى كبير
ردحذف